Rekstur og smáfyrirtæki
Finndu unnin verk sem aldrei voru rukkuð
Berðu dagatalið, verkbókina og samþykkt tilboð saman við reikningana sem fóru út og fáðu lista yfir vinnu, efni og akstur sem hefur ekki verið rukkað fyrir, með drögum að reikningslínum sem þú ferð yfir.
Claude Cowork Claude 
ChatGPT 
Microsoft Copilot Miðlungs Svona gerir þú
- Settu útflutning úr dagatalinu, tímaskráningu eða verkbók og lista yfir útgefna reikninga úr bókhaldskerfinu í eina möppu.
- Opnaðu möppuna í Cowork, eða hladdu skránum upp í Claude, ChatGPT eða Copilot.
- Límdu skipunina inn og berðu hvert verk á listanum saman við frumgögnin.
- Gefðu sjálf(ur) út reikninga fyrir það sem á að rukka.
Ég rek [tegund fyrirtækis, til dæmis pípulagningaþjónustu eða ráðgjöf] og grunar að sum unnin verk hafi aldrei verið rukkuð. Í möppunni [heiti möppu] eru gögn frá [tímabil]: [dagatal eða útflutningur úr því, verkbók eða tímaskráning, samþykkt tilboð og pantanir, afhendingarseðlar og efniskaup] og listi úr bókhaldskerfinu yfir útgefna sölureikninga. 1. Búðu til lista yfir öll verk sem gögnin sýna að voru unnin: dagsetningu, viðskiptavin, hvað var gert, tíma, efni og akstur, og hvaðan hver lína kemur. 2. Paraðu hvert verk við útgefinn reikning. Listaðu sér þau verk sem enginn reikningur finnst fyrir, reikninga þar sem færri tímar eða minna efni er rukkað en var skráð, og aukaverk sem bættust við samþykkt tilboð en sjást ekki á reikningnum. 3. Merktu það sem gæti átt sér eðlilega skýringu, til dæmis ábyrgðarvinnu, verk sem samið var um að rukka síðar eða fundi sem ekki eru seldir. 4. Taktu saman hve mikið gæti vantað upp á, miðað við verðin mín: [tímagjald, akstur og álagning á efni], án VSK og með. 5. Skrifaðu drög að reikningslínum fyrir hvert verk sem á eftir að rukka, með lýsingu sem viðskiptavinurinn skilur. Ef þú getur ekki parað verk við reikning með vissu, merktu það sem vafaatriði í stað þess að giska. Gefðu engan reikning út, sendu ekkert og breyttu engu í bókhaldinu.
Skiptu út því sem er í [hornklofum] og límdu skipunina inn í verkfærið.
Farðu yfir hvert atriði áður en þú rukkar, því skráning getur verið röng og sum verk kunna að hafa verið gerð upp á annan hátt. Ef langt er um liðið er kurteislegt að hafa samband við viðskiptavininn áður en reikningurinn berst. Notaðu aðeins verkfæri sem þú treystir fyrir upplýsingum um viðskiptavini.
Verkfæri sem henta
- Claude Cowork Vinnur í möppum og skjölum á tölvunni þinni.
- Claude Spjall, skjöl og greining.
- ChatGPT Spjall, skjöl og greining.
- Microsoft Copilot Innbyggt í Word, Excel, Outlook og Teams.